Chief Justice Kahan Hai Justice

Jurum Krane Wala Khwa Koi Bhi Ho Jurum Hamesha Qable Muzammat Hi Hota Hai. Aur Agar Jurum Sarey Aam Qanoon K Rakhwalon Ki Mojudgi Mein Ho To Wo Jurum Na Sirf Qable Muzammat Belke Qaqble Shermindagi Bhi Hota Hai. Aaj Watne Aziz Mein Jaraim Ki Tezi Se Berrhti Huvi Sharaah Ki Sub Se Aihim Wajah Bhi Yahi Hai K Yahan Aksar Jurum Qanoon K Rakhwalon K Ro Ba Ro Hi Hota Chala Aa Raha Hai Jo Intihaai Afsoos Ka Amer Hai. Sharpasand Anasir Aaye Roz Jub Chahein Jahan Chahein Qanoon Ki Rit Ko Challenge Kr Jate Hein Q K Wo Ye Baat Achi Tarha Jaante Hein K Awaam Ki Jaano Mall Ki Hifazat Per Taainaat Ye Security Aiihilkaar Mehaiz Mujasmey Hein Inko De Jaane Waali Gunz Dikhne Mein To Barri Shaandaar Hein In Guns Ko Chalaane Ka Ikhtiyaar Inke Pass Nahi. Qanoon K Ye Rakhwale Sirf Mazddor Tabqa Ghreeb Or Be Gunaah Afraad Ki Pakerr Dhakerr Or Muk Muka Ki Duty Per Tainaat Hein Inhein In Dehshat Gerdon, Sherpasandon, Wehshiyun Se Kia Lena Dena Ye Anaasir To Hamarey Security Aihilkaaron K Liye Intihaai Moaziz Or Qable Aihtraam Hote Hein Q K Inke Diye Huway Tukrrun Per To Inki Ayyashiyuon Ka Sazo Samaan In Aihilkaaron Or Afsaraan Ko Mayyasir Aata Hai Ab Agar Inhein He Khatam Kr Diya Jaaye To Ye Be Chaare To Faaqon Se He Mar Jaaein. Aik Mazdoor To Is Mehngaai K Door Mein Apne 6 Bachchon K Saath 200 Rupey Ki Ujrat Per Guzara Kr Sakta Hai Lekin Hamarey Security Aihilkaar Or Alaa Afsaraan Bhaari Bhr Kam Tankhwah Per Bhi Guzara Nahi Kr Sakte Is Liye Inhein In Criminels Se Samjhota Karna He Parrta Hai Taa K Inki Ayyashiyaan Jaari Wa Saari Rahein. Aisi Surat Mein Kisi Gharreb Be Gunaah Ko Agar Inke Ro Ba Ro Kiti Bhi Buri Terhan Tashadud Kr K Halaak Kkr Diya Jaaye To Inhein Is Se Kia Gharaz Inhein To RISHWAT K Wo Chamakte Damakte Note Aziz Hein Koi Marey Ya Jiye Inhein Koi Farq Nahi Perrta. Aaj Qanoon In Dehshat Gardon K Liye Unki Rakhel Ki Hasiyat Ikhtiyaar Kr Gaya Hai Or Rakhel Ko Maalik Jese Chahe Istemaal Krne Ka Pora Pora Haq Rakhta Hai. Or Agar Hamara Qanoon In Anasiron Ki Rakhel Nahi To Phir Kia Wajah Hai 4 Roz Guzerne K Baad Bhi Sialkot Mein Sarey Aam 2 Be Gunaah Bhaiyun Ko Itini LERZA KHAIZ Tareqey Se Qanoon K Rakhwalon K Saamne Qatal Krne K Baad Unki Laashon Ki Bhi Tazleel Ki Gai Or Wahan Muqey Per Mojod 8 Police AIHILKAAR Kyun Tamaashai Baney Ye Na Qable Talaafi Jurum Itne Aihtamaam Se Dekhte Rahe. Is Muqey Per Dard Ko Bhi Dard Hone Laga Tha Lekin In Security Aihilkaaron K Kaan Per Ju'n Bhi Na Reen Gi. Halaan K Insaaaf Ka Taqaza To Ye Hona Chahiye Tha K 24 Ghantey K Andar Andar In Wehshiyun Or In 8 Police Aihilkaaron Ko Isi Point Per Sarey Aam Boti Boti Kr K Cheel Kawwon Or Kutton Ko Khila Diya Jata Q K Ye Jurum Wo Jurum Hai K Is K Liye Ye Saza Bhi Shayad Boht Kam Hai Or Jab Tk Aisi Behimana Kaar Rawaai Per Is Terha Ka Radde Amel Nahi Diya Jaaye Ga Ye Sherpasand, Or Wehshi Darindey Baaz Aane Waale Nahi. Is Dill Soz Waqiye K Roz Wahan Kharri Tamaasha Dekhti Be His Awaam Ki Baat Hai To Is Awaam Ka Kia He Kehna Hai Yaahan Mujhe Aik Purana Ghisa Pita Latifa Yaad Aa Gaya Jo Hamari Be His Awaam Per Bilkul Fit Aata Hai, Aik Saltanat K Baadshah Ne Apni Riayaa Per Taxes K Ambaar Laga Diye Lekin Riayaa Ne Kisi Qisam Ka Koi Aihtijaaj Nahi Kiya, Baadshah Ne Her Tarkeeb Aazmaai Lekin Koi Tarkeweb Koi Herba Kaargr Na Guzra Aakhir Kaar Baadshah Ne Apne Waziron Ka Ijlaas Bulwaya Or Un Se Mukhatib Huwa K Meri Derina Kawhish Hai K Meri Riayaa Mujh Se Reham Ki Appeal Kare Mujh Se Aa Kr Faryaad Kare Lekin Ye Riayaa Hai K Tas Se Mas Nahi Hoti Ab Tum Log He Koi Tajweez Do Sub Ne Apni Apni Tajaaweez Peah Ki'n Lekin Baadshaha Salamat Subki Tajaaweez Ko Radd Krte Gaye Aakir Mein Aik Wazeer Ne Baadshah Salamat Ko Tajweez Di K Q Na Shehar K Daakhli Or Khaarji Derwaazon Per Taainaat Pehrey Daaron Ko Ye Hukum Diya Jaaye K Her Aane Jaane Waale Ko 2,,2,,Jotey Maarey Jaaein Is Terha Inki Izzate Nafs Majrooh Hogi To Ye Log Zaroor Apke Paas Faryaad Ko Aaein Gey. Baadshah Ko Ye Tajweez Kaargr Lagi Or Baadshah Salamat K Hukum Ki Taameel Huvi. Pehrey Daaron Ne Her Aane Jaane Waale Ko 2..2...Jotey Maarna Shuru Kr Diye Kuch Roz Baad Baadshah Se Milne Aik Wafad Aaya Baadshah Dil He Dil Mein Khush Hone Laga K Chalo Ye Tajweez To Rang Le Aai, Wafad Ne Jaan Ki Pannah Chahte Huwe Baadshah Salamat Se Arz Kiya K Baadshah Salamat Aap Ne Jo Pehredaaron Ko 2...2...Jotey Maarne Ka Hukum De Rakha Hai Hamein Is Se Koi Pareshaani Ya Aap Se Is Maamley Mein Koi Shikwa Shikayat Nahi Bus Aap Meherbaani Farma Kr In Pehredaaron Ki Tadaad Mein Izafaa Krwa Dein Taaa K Hamara Waqt Zayaa Na Ho Chahey Aap 2...2...K Bajaye Hamein 8...8 Jote Maarne Ka Hukum Saadir Farma Dein...Mojoda Awaam Or Us Waqt Ki Riayaa Mein Ab Koi Khaas Faraq Nahi Raha In Per Jitna Bhi Zulmo Jabar Kiya Jaaye Is Awaam Ne Uf Tk Nahi Krni. Is Liye Sialkot Mein Us Roz Mojod Awaam Sorry Be His Awaam Se Mujhe Ya Un 2 Be Gunaah Bhaaiyun K Waalden Ko Koi Gila Nahi. Lekin Qanoon K Rakhwaale Kab Tk Jaraaim Ki Sirparasti Krte Rahein Gey. Us Roz Agar Hamare Ye Aihilkaar Hawai Fire, Koi Aansu Ges Ka Shell He Fire Kr Dete To 2 Be Gunaahon Ki Jaan Ka U Ziyaa Na Hota, Aik He Ghar K 2 Chashmo Chraagh Ko Itni Be Dardi Se Qanoon K Rakhwaalon K Saamne Qatal Krne K Baad Unki Laashon Tk Ko Ulta Latka Diya Gaya Or Ye Aihilkaar Tamaasha Dekte Rahe Afsoos Sad Afsoos, Chief Justiss Sahab Is Case Ko Blind Marder Na Hone Dijye Ga Werna Un Be Gunaahon Ki Chekho Pukaar Or Inke Waalden Ki Aaho Baka Aap Ko Saari Zindagi Chain Ki Neend Soney Nahi De Gi Or Aakhirat Mein ALLAH Ka Azaab ......Insaaf Ka Takaza To Ye He Hai K Unwehshiyun Or Police Aihilkaaron Ko Jald Az Jald Kefarey Krdaar Tk Pohnchaya Jaaye Lekin Tehqeeqaat Se To Aaisa Hota Dikhaai Nahi Deta Q K Un Police Waalon K Khilaaf Qatal Ka Muqadma Derj Hona Chahiye Tha Lekin Unke Khlilaaf Dafa 155/C Ka Muqadma Derj Kiya Gaya Hai Yani K Wo Aihilkaaon Is Sangeen Jurum Mein Sirf Or Sirf Ghaflat Baratne Ka Zimmedaar Tehraya Gaya Hai Or Is Se Berrh Kr Afsoos Is Baat Ka Hai K 3 Aihilkaar Apne Peti Bandon Ki Hirasat Se Faraar Hone Mein Kaamyaab Ho Gaye Hein Ya Unhein Faraar Ka Moqa Fraham Kiya Gaya Hai Iski Bhi Mukammal Tehqeeqaat Kr Waai Jaaye Or Ghaflat Baratne Waale Aihilkaaron K Khilaaf Bhi Sakht Se Sakht Kaar Rawaai Ki Jaaye. Chief Justiss Sahab Un Masoom Nojawaano K Waalden Is Nazuk Morr Per Sirf Or Sirf Aap Se Jald Az Jale Insaaf K Muntazir Hein Or Un Nojawaano Ka Khoon Ka Aik Aik Qatra Pukaar Raha Hai K Chief Justice Kahan Hai Justice.