پشاور زلمی کرکٹ کے علاوہ دیگر کھیلوں کے فروغ میں بھی سب سے آگے
پشاور زلمی کے اشتراک سے ستمبر میں زلمی گلگت بلتستان گرلز فٹبال لیگ 13سے 17 ستمبر تک منعقد ہوگی
گلگت بلتستان گرلز فٹبال لیگ سے اشتراک پر پشاور زلمی اور جاوید آفریدی کا شکریہ ادا کرتے ہیں ، فٹبالرز کرشمہ عنایت، سمیرا ،
میڈیا اور برانڈ ویلیو کے لحاظ سے پاکستان سپر لیگ کی نمبرون فرنچائز پشاور زلمی
نے مکسڈ مارشل آرٹس ایونٹ کے کامیاب انعقاد کے بعد گرلز فٹبال لیگ کے فروغ میں
کردار ادا کرے گی ۔۔ زلمی ٹی وی کے اشتراک سے زلمی گلگت بلتستان گرلز فٹبال لیگ
13سے 17ستمبر تک گلگت بلتستان میں منعقد ہوگی۔
گلگت بلتستان گرلز فٹبال لیگ کی شروعات فٹبالرز کرشمہ عنایت اور سمیرا نے کی اور اب
پشاور زلمی کے اشتراک سے یہ لیگ تیرہ ستمبر سے شروع ہوگی۔
لیگ کے زیادہ تر میچز خوبصورت پاسو فٹبال گراونڈ میں کھیلے جائیں گے ۔ چیرمین پشاور
زلمی جاوید آفریدی نے کہا پشاور زلمی اور زلمی فاونڈیشن یوتھ اینڈ ویمن ایمپاورمنٹ
میں بھرپور کردار ادا کرے گی ،
مکسڈ مارشل آرٹس کےبعد گرلز فٹبال لیگ اور پھر دیگر کھیلوں کو بھی سپورٹ کریں گے،
اور زلمی ٹی
وی کے زریعے کھیلوں کے فروغ کا مشن جاری رکھیں گے۔
فٹبالرز کرشمہ عنایت اور سمیرا نے اپنے پیغام میں کہا پشاور زلمی کی سپورٹ سے
ہونیوالی زلمی گلگت بلتستان لیگ گرلز فٹبالرز کے لیے صلاحیتوں اظہار کا بہترین موقع
ہے ۔ تعاون پر پشاور زلمی اور جاوید آفریدی کے شکر گزار ہیں ۔ گرلز فٹبال لیگ میں
گلگت بلتستان کی آٹھ ٹیمیں شریک اور 120ویمن فٹبالرز ان ایکشن ہوں گی۔