لاہور کے علاقے گلبرگ میں نجی بیکری کے کارخانے میں سلنڈر پھٹنے سے ایک شخص جاں بحق جبکہ 7 افراد زخمی ہوگئے۔
پولیس کے مطابق دھماکا کارخانے کی پہلی منزل پر پیش آیا، جس کے نتیجے میں عمارت میں موجود افراد متاثر ہوئے۔ اطلاع ملتے ہی ریسکیو ٹیمیں موقع پر پہنچ گئیں اور زخمیوں کو ابتدائی طبی امداد فراہم کرنے کے بعد قریبی اسپتال منتقل کردیا۔
واقعے میں جاں بحق ہونے والے شخص کی شناخت ساجد کے نام سے ہوئی ہے، جبکہ زخمیوں میں سلیم، حنیف، نواز، منیر اور اشتیاق سمیت دیگر افراد شامل ہیں۔
پولیس کا کہنا ہے کہ دھماکے کی وجوہات جاننے کے لیے واقعے کی تحقیقات شروع کردی گئی ہیں۔