جناح انٹرنیشنل ائیرپورٹ پر اس وقت ایک افسوس ناک واقعہ پیش آیا جب کھڑے ناکارہ طیارے میں اچانک آگ بھڑک اٹھی۔
ایئرپورٹ ذرائع کے مطابق ناکارہ طیارہ جس جگہ پر کھڑا تھا وہاں جھاڑیاں تھیں۔ آگ لگنے کا واقعہ جھاڑیوں میں لگنے والی آگ کی وجہ سے پیش آیا۔
تاہم ذرائع کا کہنا ہے کہ شعبہ ایئر سائیڈ کی غفلت سے کافی عرصے سے جھاڑیوں کی کٹائی نہیں کی گئی تھی، طیارہ رن وے سے ایک کلومیٹر دور کھڑا تھا۔ آگ کی شدت کی وجہ سے یہ واقعہ پیش آیا۔
سول ایوی ایشن کی فائرٹینڈر کے بروقت اقدام سے طیارے پر لگنے والی آگ پر قابو پا لیا گیا۔ ذرائع کے مطابق آگ پہلے جھاڑیوں میں لگی اور پھر اس نے ناکارہ جہاز کو اپنی لپیٹ میں لے لیا۔
تاہم سول ایوی ایشن اتھارٹی نےواقعہ کانوٹس لے کر فوری تحقیقات کا اعلان کردیا ہے۔