کراچی میں ستمبر کی ایک اور دھواں دھار بارش کی امکان ظاہر کر دیا گیا ہے۔
ذرائع کے مطابق محکمۂ موسمیات کی جانب سےآج بھی شہر کراچی میں شام اور رات کے اوقات میں گرج چمک کے ساتھ بارش کا امکان ظاہر کیا گیا ہے۔
محکمۂ موسمیات نے شہر کراچی کے موسم کی صورتحال سے آگاہ کرتے ہوئے بتایا ہے کہ آئندہ 24 گھنٹوں کے دوران شہر میں مطلع جزوی ابر آلود رہنے اور موسم مرطوب رہنے کا امکان ہے۔
محکمۂ موسمیات کا مزید کہنا ہے کہ کراچی میں مغرب کی سمت سے چلنے والی ہواؤں کی رفتار 9 سے 18 کلو میٹر فی گھنٹہ ہے۔
خیال رہے کہ گزشتہ روز بھی شہر قائد میں ہلکی بارش کا امکان ظاہر کیا گیا تھا جس کے بعد شہر کے مختلف علاقوں میں شام کے اوقات میں ہلکی بوندا باندی دیکھنے میں آئی۔