سپریم کورٹ کے سابق ججز جسٹس منصور علی شاہ اور جسٹس اطہر من اللہ نے 27 ویں آئینی ترمیم کے بعد ریٹائرمنٹ پر کروڑوں روپے کی کمیوٹڈ پنشن حاصل کی ہے۔
ذرائع کے مطابق جسٹس منصور علی شاہ کو 16 کروڑ 10 لاکھ روپے جبکہ جسٹس اطہر من اللہ کو 15 کروڑ 40 لاکھ روپے سے زائد کی کمیوٹڈ پنشن ملی۔ ماہانہ بنیاد پر دونوں ججز بالترتیب 11 لاکھ روپے اور 12 لاکھ روپے سے زائد وصول کر رہے ہیں۔
وزارت قانون نے سابق ججز کے لیے ہاؤس رینٹ 3 لاکھ 50 ہزار روپے جبکہ سپیریئر جوڈیشل الاؤنس 11 لاکھ روپے سے زائد مقرر کیا تھا۔
جسٹس منصور علی شاہ نے 16 سال جبکہ جسٹس اطہر من اللہ نے 11 سال سے زائد عرصے تک خدمات انجام دیں۔ ریٹائرمنٹ کے بعد دونوں ججز کو میڈیکل، رہائش اور دیگر سہولیات دی جا رہی ہیں۔