آخر کار پاکستانیوں کی دعائیں رنگ لے آئیں۔ بہت امید اور خواہش تھی کہ پاکستان بھارت کو ورلڈ کب میں شکست دے۔ لیکن کہتے ہیں نہ کہ دعاؤں میں بہت طاقت ہوتی ہے اور جب دل سے دعائیں کی جائیں تو وہ ہر صورت قبول ہوتی ہیں۔
آج قومی کرکٹ ٹیم کے کھلاڑیوں نے بھارتییوں کا غرور خاک میں ملا دیا۔ شاہین شاہ کی بہترین باؤلنگ جبکہ بابر اعظم اور محمد رضوان کی شاندار بلے بازی کے تحت پاکستان کو یہ تاریخی فتح نصیب ہوئی۔
آج کے میچ سے قبل عبادت گاہوں میں پاکستان کی جیت کے لیے بھرپور انداز سے دعائیں مانگی گئیں۔
مسجد اور ہر پاکستانی گھرانوں میں میچ سے قبل دعائیں کی گئیں کہ صرف بھارت سے ہی بلکہ پاکستان کو پورے ورلڈ کپ ٹورنامنٹ میں فتح نصیب ہو۔
پاکستانی کرکٹ ٹیم کی کامیابی کیلئے پورا ملک میں خصوصی دعاؤں کا اہتمام کیا گیا تھا۔ اسی طرح سجاول اور ٹھٹھہ کے مختلف اقلیتی برادری بھی اپنی عبادت گاہوں میں پاکستان کی جیت کے لئے دعائیں مانگی گئیں۔
ذرائع کا کہنا تھا کہ شیو مندرمیں آج کے کرکٹ میچ میں پاکستانی ٹیم کی کامیابی کیلئے ہندو برادری نے خصوصی پوجا پات کرکے ٹیم کی جیت کے لئے دعائیں مانگی۔
ٹائمز آف کراچی کی جانب سے بھی ایک ویڈیو شئیر کی گئی جس میں ہندو مذہب سے تعلق رکھنے والے بھی کل سے دعائیں کر رہے تھے۔