اومیکرون کی موجودہ صورتحال کے پیش نظر کئی ممالک میں پابندیاں ایک بار پھر لگائی جا رہی ہیں۔
اس سلسلے میں پاکستان میں بھی کیسز سامنے آ رہے ہیں اور این سی او سی کے سربراہ اسد عمر کی جانب سے باضابطہ بیان سامنے آیا ہے۔
نجی ٹی وی سے گفتگو میں اسد عمر کا کہنا تھا کہ پاکستان سمیت دنیا بھر میں اومیکرون کے بڑھتے کیسز پر نظر رکھے ہوئے ہیں۔ البتہ فی الحال لاک ڈاؤن کا امکان اسد عمر نے رد کر دیا ہے۔
اسد عمر کا کہنا تھا کہ فی الوقت ویکسینیشن پر زور ہے جبکہ بغیر ویکسینیشن کے جو کام نہیں کیے جا سکتے ہیں، ان کے نفاذ پر زور دے رہے ہیں۔ تعلیمی اداروں کی بندش سے متعلق تاحال فیصلہ نہیں کیا گیا ہے۔
سندھ کی وزیر صحت عذرا پیچوہو کا کہنا تھا کہ سندھ میں کیسز کی تعداد میں اضافہ ہو رہا ہے مگر لاک ڈاؤن کی طرف نہیں جا رہے ہیں۔