سوشل میڈیا پر نئی شادی کرنے والے جوڑے کا فوٹو شوٹ وائرل ہورہا ہے جس میں دولہا کے بارے میں بتایا جا رہا ہے وہ پہلے سے شادی شدہ ہے اور پہلی بیوی سے ان کی ایک بیٹی بھی ہے اور اِن کی اہلیہ دوسرے بچے سے حاملہ بھی ہے۔
یہ پوسٹ انٹرنیٹ پر کافی وائرل ہو رہی ہے۔ شروعات میں جب جوڑے کا فوٹو شوٹ مقبول ہوا تو صارفین کی جانب سے یہی کہا جا رہا تھا کہ لڑکی کو کافی ہنسانے والا شوہر ملا ہے جو اپنی شادی کے دن کو یادگار بنانے کے لیے اپنی دلہن کو ہنساتے ہوئے مختلف مزاحیہ پوز کے ساتھ تصاویر بنوا رہا ہے۔
مگر پھر ایک سوشل میڈیا صارف کی طرف سے پوسٹ سامنے آئی جس میں انہوں نے شادی کا فوٹو شوٹ کروانے والے دولہے سے متعلق انکشاف کیا کہ وہ پہلے سےشادی شدہ ہیں اور ان کی ایک بیٹی بھی ہے جبکہ ایک بچہ ماں کے پیٹ میں موجود ہے جو جلد دنیا میں آجائے گا۔
فضاء خان نامی سوشل میڈیا ایکٹیوسٹ کی پوسٹ جسٹ پاکستانی تھنگس کے پیج پر پوسٹ ہوئی ہے جس میں انہوں نے واضح کیا۔ فضا نے لکھا کہ میں معذرت چاہتی ہوں مگر میں خود کو یہ اسٹیٹس لگانے سے روک نہیں پارہی کہ یہ شخص جو منفرد انداز میں شادی کا فوٹو شوٹ کروا رہا ہے وہ میری اسکول کی دوست کا شوہر ہے اور ایک بیٹی کے والد بھی ہیں۔
انہوں نے مزید لکھا کہ مذکورہ شخص نے اپنی پہلی اہلیہ کو بتائے بغیر دوسری شادی کی جبکہ دوسری اہلیہ کو یہ بات معلوم تھی کہ یہ شادی شدہ اور صاحب اولاد بھی ہیں۔
سوشل میڈیا صارفین کے تبصرے بھی یہاں پر غور طلب ہیں اور وہ اس معاملے میں اپنے اپنے خیالات کا اظہار کرتے دکھائی دیئے۔
ماہین احمد نامی صارف نے اس پوسٹ پر لکھا کہ وہ تمام لوگ جو بحث کر رہے ہیں دوسری شادی کرنے اس کا حق ہے۔ ہاں اسلام میں پہلی بیوی کی رضامندی سے اس بات کی اجازت لینا ضروری ہے۔ آپ دوسرے انسان، ایک بچے اور پورے خاندان کو تکلیف دے رہے ہیں۔ یہ کیسے ٹھیک ہے؟ آپ اس کا جواز کیسے پیش کریں گے؟
حنین نامی صارف نے تبصرہ کیا کہ سچ پوچھیں تو میں نے اس سے بھی بدتر لوگ دیکھے ہیں جب بات شادی یا کسی چیزوں کی ہو ۔ افسوس کی بات یہ ہے کہ ہمارے معاشرے میں کچھ لوگ شادی کرنے سے بہتر ڈیل حاصل کرنے کی کوشش کرتے ہیں۔
صنم اشرف نامی صارف اس معمالے پر لکھتی ہیں کہ ہر کوئی دوسری شادی کی حمایت کر رہا ہے یہ سچ جاننے کے باوجود کہ اس نے اپنی پہلی بیوی کو دھوکہ دیا ہے۔ مستقبل میں آپ کے بہنوئی یا داماد کو دوسری بیوی ملے۔ اب آمین کہیں۔