پی آئی اے کی پرواز پی کے 283 پشاور سے دبئی جارہی تھی جس میں اسامہ عبداللہ نامی مسافر نے دورانِ
اچانک عجیب و غریب حرکتیں کرنی شروع کردیں۔ کبھی بیٹھے بیٹھے زور زور سے آذان دینے لگتا ہے تو کبھی ہنستا ہے، کبھی لوگوں کو چھیڑتے ہوئے جہاز میں گھومتا ہے تو کبھی فلور پر لیٹ جاتا ہے۔ جب جہاز اُڑا اور تمام مسافر بیٹھے اس وقت یہ بالکل ٹھیک تھا لیکن اچانک ہی اس نے توڑ پھوڑ شروع کردی۔ کبھی کھڑکیوں کو لاتیں مار رہا ہے تو کبھی جہاز کے عملے سے بدتمیزی کرنے لگا۔
اس شخص کی ویڈیو عملے کی جانب سے بنائی گئی جس میں وہ اس کو تنبیہہ کرتے ہوئے کہہ رہے ہیں کہ اب تم نے نہ تو کسی کو تنگ کرنا ہے اور نہ ہی سیٹ سے اٹھنا ہے۔ جس پر یہ شخص پُر اسرار سا چہرہ بنا کر عجیب نگاہوں سے دیکھ رہا ہے۔
ایوی ایشن قانون کے تحت سیٹ پر مسافر کے ہاتھ پاؤں باندھ دیئے گئے۔ کپتان نے دبئی ایئر ٹریفک کنٹرولر سے رابطہ کرکے سیکیورٹی طلب کی اور پرواز دبئی پر اترتے ہی مسافر کو گرفتار کرلیا گیا۔
واضھ رہے یہ واقعہ 14 ستمبر کو پیش آیا تھا، مسافر کو اسی پرواز سے ڈی پورٹ کردیا گیا تھا اور اسے آئندہ سفر کے لیے بلیک لسٹ بھی کردیا گیا ہے۔ دبئی ایئرپورٹ پر مسافر کو سیکیورٹی حکام نے حراست میں لے لیا تھا۔