باپ وہ ہوتا ہے جو اپنی اولاد کے لیے دن رات محنت کر کے ان کا پیٹ پالتا ہے اور ان کی ہر خواہش پوری کرتا ہے۔
مگر کراچی کا ایک بے رحم باپ سامنے آیا ہے جس نے اپنے بیٹے کو صرف اس لیے آگ لگا دی کیونکہ اس نے اسکول کا کام نہیں کیا تھا۔
شیطان صفت باپ کو پولیس نے گرفتار کرلیا ہے۔ ملزم کی شناخت نزیر کے نام سے ہوئی ہے۔
کراچی کے علاقے اورنگی ٹاؤن میں باپ نے پڑھائی نہ کرنے پر 12 سالہ بیٹےکو آگ لگادی جس کے باعث بچہ جھلس کر جاں بحق ہوگیا۔
دل دہلا دینے والا واقعہ کراچی کے علاقے اورنگی ٹاؤن سیکٹر ساڑھے 11 میں 14 ستمبر کو پیش آیا، رئیس امروہی کالونی کے درندہ صفت شخص نذیر نے اپنے 12 سالہ بیٹے شہیر کو صرف اس لیے تیل چھڑک کر آگ لگادی کہ اس نے اسکول کا ہوم ورک نہیں کیا تھا۔
زخمی حالت میں شہیر کو پہلے قطر اسپتال اور پھر سول اسپتال برنز وارڈ منتقل کیا گیا، اسپتال پہنچنے کے 35 گھنٹوں بعد شہیر جان کی بازی ہار گیا، بیٹے کی درد ناک موت کے 2 دن بعد ماں نے اپنے شوہر کے خلاف مقدمہ درج کرادیا۔