دنیا کے بہت سے مذاہب میں مرنے کے بعد انسانوں کو دفن کرنے کا رواج ہے لیکن کیا آپ جانتے ہیں کہ دنیا میں انسانوں کی طرح طیاروں کے بھی قبرستان ہیں؟ ان قبرستانوں میں طیاروں کو دفن نہیں کیا جاتا بلکہ پھینک دیا جاتا ہے۔
بینکاک کے مشرق میں ایک کھلا میدان ہے جہاں خراب ہونے کے بعد طیاروں کو رکھا جاتا ہے۔ اسے طیاروں کا قبرستان کہا جاتا ہے اور یہ جگہ ایک سیاحتی مقام بنتی جا رہی ہے۔
میڈیا رپورٹ کے مطابق لوگ 600 روپے کا ٹکٹ لے کر اس جگہ کو دیکھنے آتے ہیں۔ طیارے کے اندر کے پارٹ ہٹا دئے گئے ہیں جو جہاز کے ارد گرد کوڑے کی طرح پھیل گئے ہیں۔ آپ کو یہ جان کر حیرت ہوگی کہ اس جگہ پر دو طیارے کھڑے ہیں جن کی قیمت 300 کروڑ روپے بتائی جارہی ہے۔
یہ طیارے اورینٹ تھائی ایئر لائنز کے ہیں۔ ڈیکس وارڈ نامی فوٹوگرافر نے چند ماہ قبل اس جگہ کا دورہ کیا تھا اور یہ تصاویر کھینچی تھیں۔ ان کا کہنا تھا کہ یہ جگہ انسانی قبرستان کی طرح لگتی ہے اور یہاں تک پہنچنا بہت خوفناک ہے۔
ہوائی جہاز کے آس پاس لوگوں کے ذریعے استعمال کیا جانے والا سامان بھی پڑا ہے، تھائی کلچر میں ایسی جگہوں کو خوفناک قرار دیا جاتا ہے بھلے ہی وہاں کسی کی موت نہ ہوئی ہو۔
ویسے تو یہ جگہ جتنی بھی خوفناک لگتی ہے لیکن امریکہ میں اس سے بھی بڑا طیارہ قبرستان ہے، ایریزونا میں تقریباً 4000 فوجی طیارے اسکریپ یارڈ میں پڑے ہیں۔ اس جگہ کو بونیارڈ کہتے ہیں، یہاں ناکارہ طیارے ڈیوس مانتھن ایئر فورس بیس پر چھوڑ دیئے جاتے ہیں۔