"اسلام ہر مذہب کے ماننے والوں کی عزرت کرنے کا درس دیتا ہے۔ اسلا اقلیتوں کے حقوق دینے کی بات کرتا ہے۔ کرتار پور امن کی راہداری ہے پاکستان میں اقلیتوں کو مکمل حقوق حاصل ہیں."
یہ کہنا ہے معروف اسلامی اسکالر طارق جمیل کا جنھوں نھ گزشتہ ہفتے لاہور میں سکھوں کے مقدس مذہبی مقام بابا گرونانک کرتار پور صاحب کا دورہ کیا۔ یہ وہ تاریخی جگہ ہے جہاں سکھوں کے مذہبی پیشوا بابا گرونانک نے زندگی کے آخری 18 سال بسر کیے۔
مولانا کو تحفے میں کیا دیا گیا؟
مولانا طارق جمیل نے گردوارے کا دورہ مذہبی رواداری کو فروغ دینے کے لئے کیا۔ جبکہ گردوارے کے حکام نے مولانا کو احترام سے خوش آمدید کیا اعر پھولوں کا گلدستہ پیش کرنے کے ساتھ سکھوں کا علامتی سروپا اور کرپان بھی تحفتاً پیش کیا۔
مولانا طارق جمیل نے اس موقع پر بھارت سے آئے سکھ یاتریوں سے بھی ملاقات کی۔