گذشتہ شب صحافت کی دنیا کا ایک بڑا نام مشعال بخاری اس دنیا سے رخصت ہوگئیں جو کینسر کے عارضے میں مبتلا تھیں۔ مشعال خان ایک کئی برس سے صحافت سے جڑی تھیں اور انہوں نے میڈیا انڈسٹری میں بہت نام کمایا۔
مشعال بخاری کے شوہر امیر عباس کا تعلق بھی صحافت سے ہے جنہوں نے اپنی اہلیہ کی یاد میں ایک غمزدہ پوسٹ شئیر کی۔
مشعال بخاری کے شوہر اینکر پرسن امیر عباس نے ٹوئٹر پر پوسٹ شئیر کرتے ہوئے لکھا کہ میری اہلیہ، صحافی مشعل بخاری، خوبصورت دل، بے مثل شخصیت، کمال صبر دکھانے والی، ناقابل یقین حد تک بہادر خاتون، دو سال تک کینسر سے کمال بہادری سے لڑتے لڑتے ناقابل برداشت صدمہ چھوڑ گئی۔
معروف صحافی مشعال بخاری کی نمازجنازہ آج بروز 4 جنوری کو لاہور کی جامعہ المنتظر میں دوپہر ایک بجے ادا کی جائے گی۔
مشعال بخاری کا شمار پاکستان کے سینئر اور تجربہ کار صحافیوں میں ہوتا ہے، وہ ایک بہترین نیوز اینکر اور ٹی وی شو کی میزبان تھیں۔ ان کے انتقال پر اہم شخصیات کی جانب سے دکھ کا اظہار کیا گیا ہے۔ مشعال آٹھ جولائی 1984 کو کراچی میں پیدا ہوئیں تھیں۔