محکمہ موسمیات نے پیشگوئی کی ہے کہ کراچی میں جمعرات کو وقفے وقفے سے گرج چمک کے ساتھ بارش کا امکان ہے۔
محکمہ موسمیات کے مطابق آئندہ 24 گھنٹوں کے دوران موسم خشک اور رات کے وقت خنک رہنے کا امکان ہے جبکہ جمعرات کو وقفے وقفے سے بارش متوقع ہے۔
شہر کے درجہ حرارت کے حوالے سے بتایا گیا کہ آئندہ 24 گھنٹوں کے دوران کم سے کم درجہ حرارت 14 سے 16 ڈگری سینٹی گریڈ اور زیادہ سے زیادہ درجہ حرارت 25 سے 27 ڈگری سینٹی گریڈ تک رہنے کا امکان ہے۔ پچھلے 24 گھنٹوں میں کم سے کم درجہ حرارت 13.3 ڈگری سینٹی گریڈ ریکارڈ کیا گیا۔
محکمہ موسمیات کے مطابق ہوا میں نمی کا تناسب 78 فیصد ہے اور شمال مشرق سے ہوائیں 4 کلومیٹر فی گھنٹہ کی رفتار سے چل رہی ہیں۔