وزیر اطلاعات سندھ شرجیل انعام میمن کو سینے میں تکلیف کے باعث اسپتال منتقل کر دیا گیا۔
وزیراطلاعات سندھ شرجیل انعام میمن کو دل کا دورہ پڑ گیا جس کی خبر سوشل میڈیا پر پھیل گئی۔
ذرائع کے مطابق پاکستان پیپلز پارٹی کے سینئر رہنما اور وزیر اطلاعات شرجیل میمن کو سینے میں تکلیف ہونے سے نیشنل انسٹیٹیوٹ آف کارڈیو ویسکیولر ڈیزیزز (این آئی سی وی ڈی) حیدرآباد منتقل کیا گیا ہے۔
اسپتال ذرائع کے مطابق اسپتال لانے پر شرجیل میمن کا طبی معانئہ کیا گیا تو پتہ چلا کہ صوبائی وزیر کو دل کا دورہ پڑا ہے۔
ڈاکٹرز کا کہنا ہے کہ شرجیل انعام میمن کے دل کی 2 شریانیں بند تھیں، شرجیل میمن کی انجیو گرافی کے بعد انجیو پلاسٹی کر دی گئی ہے اور ان کی حالت اب پہلے سے بہتر ہے۔