لاہور:سوشل میڈیا پر ایک ویڈیو بڑی تیزی سے وائرل ہے، جس میں ایک نوجوان ڈنڈا اٹھائے پولیس والوں کے سامنے کھڑا ہے، ہم نیوز نے اس شخص کا پتہ چلا لیا۔
گزشتہ دنوں زمان پارک میں پولیس نے عمران خان کے وارنٹ گرفتاری پر عمل کرانے کے لئے ایکشن لیا تھا، جس پر کارکنوں نے شدید ردعمل کا اظہار کیا تھا۔
سوشل میڈیا پر ویڈیو وائرل ہے جس میں ایک آدمی موجود ہے اور پولیس والوں کو للکار کر کہتا ہے کہ آ جاؤ اوہ امریکہ کے غلاموں یہاں ہم بہت انجوائے کر رہے ہیں۔
اس پی ٹی آئی کارکن کا نام محمد فیصل ہے، کچھ گھنٹے قبل بھی اس نے اپنے ٹوئٹ میں کہا تھا کہ کبھی موقع آیا تو جان بھی دوں گا خان صاحب مجھے ہر مشکل وقت میں اپنے آس پاس موجود سمجھئے گا، جب تک زندہ ہوں ایسے ہی لڑتا رہوں گا۔