اسلام آباد(زاہد گشکوری، ہیڈ ہم انویسٹی گیشن ٹیم )پاکستان کی اہم سیاسی شخصیات کی جانب سے انتخابات 2024 میں عوامی ووٹ کے حصول اور دوبارہ منتخب ہونے کیلئے انتخابی مہم پورے جوبن پر ہے۔
تاہم بعض پیچیدگیوں کے باعث تین سابق وزرائے اعظم سمیت کئی بڑی سیاسی شخصیات کا پارلیمانی مستقبل غیر یقینی دکھائی دیتا ہے کیونکہ یہ سب اس سیاسی دنگل کا حصہ نہیں۔
سابق وزرائے اعظم چوہدری شجاعت حسین، عمران خان اور شاہد خاقان عباسی متعدد وجوہات کی بنا پر مقابلے سے باہر ہو گئے ہیں، بانی پاکستان تحریک انصاف (پی ٹی آئی) عمران خان اب بھی سنگین عدالتی مقدمات کا سامنا کر رہے ہیں۔ جو عملی سیاسی میدان میں اُن کی موجودگی کے لیے بڑی رکاوٹ ثابت ہو رہے ہیں۔
حلقے کا جائزہ:
اگر ہم حلقے کا جائزہ لیں تو سابق وزیراعظم و رہنما پاکستان پیپلز پارٹی سید یوسف رضا گیلانی این اے 148 ملتان سے 2024 کے عام انتخابات میں حصہ لے رہے ہیں جہاں مسلم لیگ ن کے احمد حسین دیہڑ اورتحریک انصاف کے تیمور ملک کے مدمقابل ہیں۔
تجزیہ :
مسلم لیگ ن کے ایم این اے احمد حسین ڈہڑ ان کے سخت ترین مخالف ہیں،حلقے میں سخت مقابلے کی توقع ہے۔
انتباہ: یہ تجزیہ ہم انوسٹی گیشن ٹیم کی معلومات اور تحقیق پر مبنی ہے،اس تجزیے کوکسی بھی زاویے سے حتمی تصور نہ کیا جائے۔