کراچی۔18مارچ (اے پی پی):وفاقی وزیر داخلہ محسن نقوی نے کہا ہے کہ قائد اعظم محمد علی جناح کا پاکستان ہماری منزل ہے ، قائد اعظم کے اصولوں پر عمل پیرا ہو کر ہی وطن عزیز کو امن کا گہوارہ بنایا جا سکتا ہے۔ وہ پیر کو مزار قائد حاضری کے موقع پر گفتگو کر رہے تھے ۔ وزیر داخلہ محسن نقوی نے مزار قائد پر حاضری دی ، پھول رکھے اور فاتحہ خوانی کی ۔
وفاقی وزیر داخلہ و چیئرمین پی سی بی محسن نقوی نے ملک کی ترقی ، قیام امن ، استحکام اور سالمیت کے لئے دعا کی ۔ وزیر داخلہ نے وطن عزیز کے امن کیلئے اپنی جانوں کا نذرانہ پیش کرنے والے بہادر سپوتوں کے لئے خصوصی دعا کی ۔انہوں نے وزیٹر بک میں تاثرات درج کئے ۔وزیر داخلہ محسن نقوی نے قائد اعظم محمد علی جناح کی ولولہ انگیز قیادت اور ان تھک محنت کو زبردست الفاظ میں خراج تحسین پیش کیا ۔