بیجنگ ۔3اپریل (اے پی پی):چین کے صدر شی جن پنگ نے امریکی ہم منصب جو بائیڈن کو بتایا کہ تائیوان کا مسئلہ دونوں ممالک کے تعلقات میں سرخ لکیر ہے جسے عبور نہیں کیا جانا چاہیے۔ تاس کے مطابق چینی رہنما نے جوبائیڈن سے ٹیلی فونک گفتگو کے دوران کہا کہ تائیوان کی آزادی کی حامی قوتوں کی علیحدگی پسند سرگرمیوں کو برداشت نہیں کیا جائے گا۔ انہوں نے امید ظاہر کی کہ امریکی صدر اس چینی بیان پر عمل کرتےہوئے تائیوان کی آزادی کی حمایت نہیں کریں گے ۔