کراچی میں صبح سویرے کالے بادلوں کاراج ہے، جبکہ گزشتہ روز ہونے والی بارش کے باعث موسم خوشگوار ہوگیا ہے
شہر قائد سمیت سندھ کے کئی علاقوں میں آج بارش کی پیشگوئی کی گئی ہے۔ محکمہ موسمیات کا کہنا ہے کہ ٹھٹھہ، بدین، سجاول، جامشورو، تھرپارکر، عمرکوٹ، مٹھی اور دادو میں بارش ہوسکتی ہے۔
اسلام آباد، پنجاب، بالائی خیبرپختونخوا، جنوبی بلوچستان، کشمیر اور گلگت بلتستان میں بھی آج بارش کا امکان ہے۔
ماہرین نے پیش گوئی کی ہے کہ مون سون کی تیز ہوائیں 4 اگست سے سندھ میں آئیں گی، جس سے کراچی سمیت کئی علاقوں میں 4 اگست سے 6 اگست تک شدید بارشیں ہوں گی۔