پشاور: گورنر خیبر پختونخوا فیصل کریم کنڈی نے ملازمین برطرفی بل 2025 مسترد کر دیا۔
گورنر خیبرپختونخوا فیصل کریم کنڈی نے حکومت سے بل میں ترامیم کا مطالبہ کرتے ہوئے کہا کہ صوبائی حکومت کا بل بنیادی حقوق کی خلاف ورزی ہے۔
فیصل کریم کنڈی نے غیر قانونی بھرتیوں کے ذمہ دار افسران کے خلاف کارروائی کی بھی سفارش کرتے ہوئے کہا کہ الیکشن کمیشن کی اجازت سے بھرتی ملازمین کو بل سے نکالا جائے۔
انہوں نے کہا کہ ملازمین کو اپیل کے حق سے محروم کرنا آئین کے آرٹیکل اے 10 کی خلاف ورزی ہے۔ اور ماضی میں کی گئی قانونی بھرتیوں کو کالعدم قرار دینا غیر آئینی ہے۔
یہ بھی پڑھیں: وزیر اعلیٰ سندھ کی فرنچ کمپنیز کو سرمایہ کاری کی دعوت
گورنر خیبر پختونخوا نے کہا کہ صوبائی حکومت بل پر نظرثانی کرے ورنہ عدالتی چیلنجز کا سامنا کرنا پڑ سکتا ہے۔ صرف ملازمین نہیں بلکہ بھرتی کرنے والے افسران بھی جوابدہ ہوں گے۔