پشاور ہائیکورٹ : گندم اسکینڈل میں گرفتار ملزمان کی درخواست ضمانت خارج

image

پشاور ہائیکورٹ نے گندم اسکینڈل میں گرفتار اسٹوریج آفیسر ارشد اور سابق ملازم طلا محمد کی ضمانت درخواستیں خارج کر دیں۔ اس سے قبل اینٹی کرپشن کورٹ بھی دونوں کی ضمانت مسترد کر چکی تھی۔

عدالت نے محفوظ فیصلہ سناتے ہوئے کہا کہ دونوں ملزمان پر اضاخیل اسٹوریج سے 1730 میٹرک ٹن یعنی 3300 بوری گندم غائب کرنے کا الزام ہے۔

ایڈیشنل ایڈووکیٹ جنرل محمد نعام یوسفزئی کے مطابق اینٹی کرپشن خیبرپختونخوا کی تحقیقات کے بعد مقدمہ درج کیا گیا اور ملزمان کو حراست میں لیا گیا۔

عدالت نے اینٹی کرپشن کورٹ کے فیصلے کو برقرار رکھتے ہوئے دونوں ملزمان کو ضمانت دینے سے انکار کر دیا۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US