پاکستان کے صوبے پنجاب کے علاقے چنیوٹ میں 144 موضع جات زیر آب آئے ہیں۔ یہاں ریسکیو 1122 کو مدد کے لیے کالز موصول ہوئی تھیں۔ بی بی سی کی ٹیم ریسکیو اہلکاروں کے ہمراہ ان علاقوں تک گئی جہاں مرکزی سڑک سے کم از کم سات کلومیٹر اندر جا کر بہت سے گاؤں آتے ہیں۔ ہر گاؤں میں تقریباً 100 کے قریب گھر ہیں۔
- پاکستان کے صوبہ پنجاب کی وزیر اعلیٰ مریم نواز نے بتایا کہ جو اضلاع اب دباؤ میں آنے والے ہیں ان میں جھنگ، ملتان، مظفر گڑھ، اوکاڑہ، ساہیوال، ٹوبہ ٹیک سنگھ، خانیوال اور قصور، پاکپتن، وہاڑی، بہاولنگر، بہاولپور ہیں۔ اگلے دو، تین دن بعد راجن پور اور رحیم یار خان بھی دباؤ میں آ سکتے ہیں۔
- پاکستان کے صوبے پنجاب کے علاقے چنیوٹ میں 144 موضع جات زیر آب آئے ہیں۔
- پاکستان کے صوبہ پنجاب کے شہر لاہور میں تیز بارش سے گھروں کی چھتیں گرنے سے چار افراد ہلاک اور چار شدید زخمی ہوئے ہیں۔
- پاکستان کے صوبہ پنجاب میں قدرتی آفات سے نمٹنے کے صوبائی ادارے پی ڈی ایم اے پنجاب نے دریائے ستلج، راوی، چناب اور ملحقہ ندی نالوں میں انتہائی اونچے درجے کے سیلاب کا الرٹ جاری کیا۔
- پاکستان کے صوبے سندھ میں سینئر وزیر شرجیل انعام میمن نے کہا ہے کہ سیلاب کا پانی دو یا تین ستمبر کی رات کو پنجاب سے سندھ میں داخل ہونے کا امکان ہے۔
- پاکستان کے صوبے سندھ کے آئی جی غلام نبی میمن نے سیلاب کی آمد اور ممکنہ خطرے کے پیش نظر سندھ پولیس بالخصوص سکھر اور لاڑکانہ ڈویژن کو چوکنا اور مستعد رہنے کے احکامات جاری کیے ہیں۔
- ایشیائی ترقیاتی بینک (اے ڈی بی) کے صدر ماساتو کانڈا نے پاکستان میں سیلاب متاثرین کے لیے 30 لاکھ ڈالر کی ہنگامی امداد کا اعلان کیا ہے
- پاکستان کے صوبہ سندھ میں آئندہ دنوں میں سیلابی صورتحال کے پیشِ نظر شمالی اضلاع میں 72 اور جنوبی اضلاع میں 106 ریسکیو کشتیاں تعینات کر دی گئی ہیں
- صوبہ پنجاب میں مون سون کی بارشوں کا نواں سلسلہ شروع ہو چکا ہے اور دو ستمبر تک جاری رہے گا۔
بی بی سی کی ٹیم نے چنیوٹ میں کیا دیکھا: ’ہمارا سارا غلّہ اور سامان پانی کی نذر ہو گیا‘
