عدالت عالیہ پشاور نے سینیٹ اور قومی اسمبلی میں نئے اپوزیشن لیڈر کی تقرری کو روکنے کا حکم دے دیا۔
پشاور ہائیکورٹ میں جسٹس ارشد علی اور جسٹس خورشید اقبال پر مشتمل 2 رکنی بینچ نے عمر ایوب اور شبلی فراز کو ڈی نوٹی فائی کرنے کے خلاف درخواست پر سماعت کی۔
عدالت نے اسپیکر قومی اسمبلی کو نئے اپوزیشن لیڈر اور سینیٹ چیئرمین کو سینیٹ میں لیڈر آف اپوزیشن کی تقرری جبکہ الیکشن کمیشن کو عمر ایوب اور شبلی فراز کے خلاف مزید کارروائی سے روک دیا۔ بعد ازاں عدالت نے درخواست پر مزید سماعت 15 اگست تک ملتوی کردی۔
یاد رہے چند روز قبل انسداد دہشت گردی عدالت کی جانب سے 9 مئی مقدمات میں عمر ایوب اور شبلی فراز کو سزا سنائے جانے کے بعد دونوں ارکان نااہل ہوگئے تھے۔ نااہلی کے بعد عدالت نے عمر ایوب کو اپوزیشن لیڈر قومی اسمبلی اور شبلی فراز کو سینیٹ میں اپوزیشن لیڈر کے عہدے سے ہٹانے کی کارروائی کی تھی۔