سندھ ہائیکورٹ کے بینچ کے سربراہ جسٹس محمد اقبال کلہوڑو نے اپوزیشن لیڈر سٹی کونسل اور 9 ٹاؤن چیئرمینز کی جانب سے لوڈشیڈنگ کے خلاف دائر درخواست پر مزید سماعت سے معذرت کرلی، کیس چیف جسٹس سندھ ہائیکورٹ کو بھیج دیا گیا۔
دورانِ سماعت نیپرا نے جواب جمع کراتے ہوئے مؤقف اپنایا کہ متبادل فورم کی موجودگی میں درخواست ناقابلِ سماعت ہے اور مسترد کی جائے۔
نیپرا نے بتایا کہ کمرشل بنیادوں پر لوڈشیڈنگ قوانین کی خلاف ورزی ہے، 2023 میں کے الیکٹرک کو شوکاز نوٹس اور 2024 میں لائن لاسز کی بنیاد پر 5 کروڑ روپے جرمانہ کیا گیا تاہم کے الیکٹرک نے حکمِ امتناع حاصل کر رکھا ہے۔
نیپرا کے مطابق کے الیکٹرک کو ترسیلی نظام اپگریڈ کرنے اور عدالتی احکامات کے تحت سروے کرنے کی ہدایت دی گئی ہے اور نیپرا کی جانب سے کے الیکٹرک کو مانیٹر کیا جارہا ہے کسی بھی خلاف ورزی پر قانونی کارروائی کی جائے گی۔ کیس کی مزید سماعت 12 ستمبر تک ملتوی کردی گئی۔