کراچی میں مسلسل بارشوں کے باعث بدھ 20 اگست کو تمام سرکاری اور نجی تعلیمی ادارے بند رکھنے کا فیصلہ کیا گیا ہے۔
یہ اعلان صوبائی وزیرِ تعلیم سندھ سید سردار شاہ نے کیا۔ ان کے مطابق بدھ کے روز نہ صرف اسکول بلکہ سرکاری و نجی کالجز بھی بند رہیں گے، جب کہ سندھ ٹیکنیکل بورڈ نے اسی دن کے تمام امتحانات ملتوی کرنے کا اعلان کیا ہے۔
ادھر لیاری یونیورسٹی نے بھی بدھ کو تعطیل دینے کا نوٹیفکیشن جاری کر دیا ہے۔
یاد رہے کہ کراچی میں آج منگل کی صبح سے بارشوں کا سلسلہ جاری ہے، جس کے پیشِ نظر یہ فیصلہ کیا گیا۔