ڈپٹی ڈائریکٹر محکمہ موسمیات انجم نذیر ضیغم کے مطابق شہر کے شمال اور شمال مشرقی علاقوں میں بارش برسانے والے بادل موجود ہیں جس کے باعث کراچی میں آج دوپہر 2 بجے کے بعد گرج چمک کے ساتھ بارش شروع ہونے کا امکان ہے۔
محکمہ موسمیات کا کہنا ہے کہ دوپہر سے شروع ہونے والی بارش وقفے وقفے سے رات تک جاری رہنے کی توقع ہے جبکہ چند مقامات پر موسلا دھار بارش بھی ہو سکتی ہے۔
انجم نذیر ضیغم نے خبردار کیا کہ بارش کے زیرِ اثر آج اور کل کراچی میں اربن فلڈنگ کا خدشہ ہے اس لیے شہری احتیاطی تدابیر اختیار کریں۔
محکمہ موسمیات کے مطابق موجودہ بارشوں کا سلسلہ کراچی سمیت سندھ بھر میں 23 اگست تک جاری رہنے کا امکان ہے۔