وفاقی دارالحکومت اسلام آباد سمیت ملک کے مختلف شہروں میں زلزلے کے شدید جھٹکے محسوس کیے گئے۔ رپورٹ کے مطابق زلزلے کے جھٹکے اسلام آباد، مری، پشاور، مردان، صوابی سمیت مختلف علاقوں میں محسوس کیے گئے۔امریکی جیالوجیکل سروے کے مطابق زلزلے کی شدت 6 ریکارڈ کی گئی۔ زلزلے کا مرکز کابل سے 23 کلومیٹر دور تھا۔
زلزلے کی گہرائی 10 کلومیٹر تھی۔
اسلام آباد میں زلزلہ تقریباً دس سیکنڈ تک جاری رہا جس کے باعث شہری گھروں سے باہر نکل آئے۔
زلزلے کے جھٹکوں کی وجہ سے اسلام آباد اور گرد و نواح کے علاقوں میں خوف و ہزاس پھیل گیا۔
ابتدائی اطلاع کے مطابق زلزلے کی شدت 5.4 ریکارڈ کی گئی۔
دوسری جانب خیبر پختونخوا کے قدرتی آفات سے نمٹنے کے ادارے پی ڈی ایم اے کے مطابق صوبے کے مختلف اضلاع میں زلزلے کے جھٹکے محسوس کیے گئے۔بیان کے مطابق پی ڈی ایم اے کے ایمرجنسی آپریشن سینٹر کی جانب سے تمام ضلعی انتظامیہ سے رابطہ کیا گیا۔ضلعی انتظامیہ کو ہدایات کی گئیں کہ کسی بھی ممکنہ صورتحال سے نمٹنے کے لیے الرٹ رہیں۔اعلامیے میں کہا گیا ہے کہ پی ڈی ایم اے کے کنٹرول روم کو اب تک کسی جانی و مالی نقصان کی اطلاع موصول نہیں ہوئی۔ تاہم اس حوالے سے معلومات اکھٹی کی جارہی ہیں۔