بحیرہ عرب میں موجود ہوا کا کم دباؤ شدت اختیار کر گیا، ڈپریشن میں تبدیل، ڈپریشن اس وقت 440 کلومیٹر جنوب میں موجود ہے۔
سسٹم 21.0 شمالی عرض بلد اور 67.9 مشرقی طول بلد پر موجود، تھرپارکر، عمرکوٹ، بدین، ٹھٹھہ، سجاول، ٹنڈو محمد خان اور کراچی میں آج ہلکی سے درمیانی بارش کا امکان ہے۔ سندھ کے ساحلی علاقوں میں سمندر کی لہریں بلند اور موسم خراب رہنے کی پیشگوئی کی گئی ہے۔
سندھ کے ساحل کے قریب 40 سے 50 کلومیٹر فی گھنٹہ کی رفتار سے طوفانی ہوائیں چلنے کا امکان ہے۔ دوسری جانب ماہی گیروں کو 3 اکتوبر تک گہرے سمندر میں جانےسے گریز کی ہدایت کی گئی ہے، سسٹم کے مرکز کے قریب ہواؤں کی رفتار 65 کلومیٹر فی گھنٹہ تک بڑھ سکتی ہے، ساحلی اور پورٹ حکام کو الرٹ جاری کیے جانے کے ساتھ متعلقہ اداروں کو الرٹ رہنے کی ہدایت کی گئی ہے جبکہ سائیکلون وارننگ سینٹر کراچی صورتحال پر مسلسل نظر رکھے ہوئے ہے۔