راولپنڈی کے علاقے رحیم آباد ریلوے پل پر ایک افسوسناک حادثہ پیش آیا، جہاں ٹرین کی ٹکر سے ایک نوجوان جاں بحق ہوگیا۔
پنجاب ایمرجنسی سروسز ڈیپارٹمنٹ (ریسکیو 1122) کے مطابق حادثے کی اطلاع ملتے ہی ریسکیو ٹیمیں فوری طور پر موقع پر پہنچ گئیں۔ تاہم، نوجوان موقع پر ہی دم توڑ گیا، ریسکیو اہلکاروں نے ضروری کارروائی مکمل کرنے کے بعد میت کو قریبی اسپتال منتقل کردیا۔
عینی شاہدین کا کہنا ہے کہ لڑکا ریلوے ٹریک عبور کر رہا تھا کہ اچانک گزرنے والی ٹرین کی زد میں آ گیا۔ جاں بحق نوجوان کی شناخت 20 سالہ زاور کے نام سے ہوئی ہے۔