"بطور مرد، یہ انتہائی بے ادبی ہے۔"
"اگر میرے دولہا نے ایسا کیا ہوتا تو میں تقریب چھوڑ کر چلی جاتی۔"
"اس خاندان کو داد کہ وہ اپنی بیٹی ایسے شخص کے حوالے کر رہے ہیں۔"
ایک شادی جسے ہر جوڑے کے لیے خاص دن سمجھا جاتا ہے، اس ویڈیو کی وجہ سے اب سوشل میڈیا پر بحث کا موضوع بن گئی ہے۔ حال ہی میں ایک دلہن کے داخلے کے دوران دلہے کے ردعمل کی ویڈیو وائرل ہوئی، جس نے ناظرین کو حیران کر دیا۔ شادی کی تقریب میں دلہن کا داخلہ ہر ثقافت میں نہایت اہمیت رکھتا ہے، لیکن جیسے ہی دلہن کمرے میں آئیں، کیمرہ دلہے کی طرف گھمایا گیا اور وہ کھانے میں مصروف تھے۔
اس ویڈیو نے انٹرنیٹ صارفین کے درمیان سوالات پیدا کر دیے کہ کیا یہ دلہا واقعی اپنی بیوی کے لیے مناسب رویہ رکھتا ہے؟ بہت سے صارفین نے اسے "ریڈ فلیگ" قرار دیا اور دلہن کو خبردار کیا کہ اس رویے پر توجہ دی جائے۔ صارفین نے لکھا کہ یہ رویہ انتہائی بے ادبی اور غیر حساس ہے، اور بعض نے تو کہا کہ اگر وہ خود وہاں ہوتیں تو فوراً تقریب چھوڑ دیتیں یہاں تک کہ لوگوں نے غیر حساس شخص کے انتخاب پر لڑکی کے والدین کو بھی سخت سنا دیں۔
ویڈیو کے وائرل ہونے کے بعد، سوشل میڈیا پر تبصرے اور بحث جاری ہے، جہاں ہر کوئی شادی کی تقریب کے دوران کیے گئے دلہے کے ردعمل پر اپنی رائے دے رہا ہے۔ یہ واقعہ نہ صرف دلہے کے رویے پر سوالات اٹھا رہا ہے بلکہ شادی کے سماجی اور ثقافتی توقعات پر بھی بحث کو جنم دے رہا ہے۔