کراچی میں بلاول ہاؤس چورنگی کے قریب سیف سٹی پروجیکٹ کے سافٹ ویئر باکس کی چوری میں ملوث ملزم کو پولیس نے گرفتار کر لیا ہے۔
پولیس کے مطابق 6 نومبر کو یہ باکس چوری ہوا تھا اور اس کے بعد سیف سٹی کے کیمرے بھی اتار لیے گئے تھے۔ ملزم کو ساتھی کے ساتھ گرفتار کیا گیا ہے جبکہ دیگر تین ساتھی پہلے ہی گرفتار ہو چکے ہیں۔
ملزم کی نشاندہی پر مسروقہ سامان بھی برآمد کر لیا گیا ہے اور ایک کباڑی کو بھی حراست میں لیا گیا ہے۔
واضح رہے کہ یہ ڈسٹری بیوشن باکس سیف سٹی کیمروں کو بہتر سروس فراہم کرنے میں مدد کرتا ہے اور اس میں لاکھوں روپے مالیت کا سامان موجود ہوتا ہے۔