لاہور چلڈرن اسپتال میں زیرِ علاج بچی کے والد نے مبینہ طور پر سیکیورٹی گارڈز کی جانب سے وارڈ سے باہر نکالے جانے کے بعد تیسری منزل سے چھلانگ لگا دی، جس کے نتیجے میں وہ شدید زخمی ہو گئے۔
پولیس کے مطابق 28 سالہ عمران صابر کی بیٹی اسپتال میں زیرِ علاج ہے۔ مبینہ طور پر وارڈ سے نکالے جانے پر دل برداشتہ ہو کر انہوں نے تیسری منزل سے چھلانگ لگا دی، جس کے باعث ان کی دونوں ٹانگیں ٹوٹ گئیں۔
زخمی عمران کو فوری طور پر جنرل اسپتال منتقل کیا گیا، جہاں اسپتال انتظامیہ کے مطابق انہیں سرجیکل ایمرجنسی میں طبی امداد فراہم کی جا رہی ہے اور ان کی حالت پہلے سے بہتر بتائی جا رہی ہے۔ پولیس واقعے کی مزید تحقیقات کر رہی ہے۔