وزیراعظم کی خصوصی ریلیف اسکیم کے تحت موٹرسائیکل، رکشہ، چنگچی اور 800 سی سی تک گاڑیوں کے مالکان کو 100 روپے فی لیٹر سستا پیٹرول فراہم کرنے کے لیے جدید ڈیجیٹل سسٹم فعال کردیا گیا۔
وزارت آئی ٹی کے مطابق نادرا، صوبائی محکموں اور ٹیلی کام آپریٹرز کے تعاون سے خودکار نظام تیار کیا گیا ہے، جس کے ذریعے مستحق افراد کی تصدیق اور سبسڈی کی فراہمی شفاف انداز میں کی جائے گی۔
اسکیم کے تحت موٹرسائیکل اور چنگچی کے لیے ماہانہ 20 لیٹر جبکہ 800 سی سی تک گاڑیوں کے لیے 30 لیٹر رعایتی پیٹرول کی حد مقرر کی گئی ہے۔
پیٹرول پر 100 روپے فی لیٹر ریلیف حاصل کرنے کے لیے شہری پہلے REG لکھ کر اپنا شناختی کارڈ نمبر 9771 پر SMS کریں۔ اس کے ساتھ گاڑی کا نمبر، صوبائی کوڈ اور رجسٹریشن کی تاریخ بھی درج کرنا ہوگی۔
رعایتی پیٹرول لینے کے لیے TOK لکھ کر 9771 پر SMS کرنے کے بعد ملنے والا فیول ٹوکن پٹرول پمپ پر دکھانا ہوگا۔ موٹر سائیکل، رکشہ اور چنگچی کے لیے ماہانہ 20 لیٹر جبکہ 800 سی سی تک کی گاڑیوں کے لیے 30 لیٹر تک رعایتی پیٹرول ملے گا۔