وفاقی وزیر داخلہ محسن نقوی کی دعوت پر لبنان کے وزیر داخلہ احمد الحجار دو روزہ سرکاری دورے پر پاکستان پہنچ گئے ہیں۔
اسلام آباد ایئرپورٹ پر وزیر مملکت برائے داخلہ طلال چوہدری نے معزز مہمان کا پرتباک استقبال کیا۔ اس موقع پر چیف کمشنر اسلام آباد اور آئی جی اسلام آباد بھی موجود تھے۔
ذرائع کے مطابق دورے کے دوران لبنانی وزیر داخلہ پاکستانی قیادت سے اہم ملاقاتیں کریں گے، جن میں دونوں ممالک کے درمیان دوطرفہ تعلقات اور مختلف شعبوں میں باہمی تعاون کو فروغ دینے کے حوالے سے تفصیلی بات چیت کی جائے گی۔