پاکستان نے بھارتی طیاروں کے لیے اپنی فضائی حدود کی بندش میں توسیع کردی ہے۔ پاکستان ایئرپورٹ اتھارٹی کی جانب سے جاری نوٹم کے مطابق بھارتی رجسٹرڈ طیاروں کے لیے پاکستانی فضائی حدود بدستور بند رہیں گی۔
نوٹم کے مطابق بھارتی ایئرلائنز، آپریٹرز اور لیز پر لیے گئے طیاروں پر بھی پاکستانی فضائی حدود استعمال کرنے کی پابندی برقرار رکھی گئی ہے، جبکہ بھارتی فوجی پروازوں کے لیے بھی پاکستانی فضائی حدود دستیاب نہیں ہوں گی۔
پاکستان ایئرپورٹ اتھارٹی کے نوٹم کے مطابق بھارتی طیاروں کے لیے فضائی حدود کی یہ پابندی 23 اکتوبر 2026 تک برقرار رہے گی۔