اسپیکر خیبرپختونخوا اسمبلی بابر سلیم سواتی نے وزیراعظم کو خط لکھ کر دہشت گردی کے خاتمے اور پائیدار امن کے قیام کے لیے وفاقی حکومت کے ساتھ مکمل تعاون کی یقین دہانی کرائی ہے۔
خط میں اسپیکر نے وزیراعظم سے پائیدار امن کے لیے قومی اتفاقِ رائے پیدا کرنے میں تعاون فراہم کرنے کی درخواست کی۔
خط کے مطابق خیبرپختونخوا اسمبلی نے صوبے میں امن و امان کی صورتحال پر مختلف اسٹیک ہولڈرز سے مشاورت کا عمل شروع کردیا ہے۔
اسپیکر نے بتایا کہ اس سلسلے میں امن جرگہ بھی منعقد کیا گیا، جس میں 30 سے زائد سیاسی جماعتوں کے قائدین نے شرکت کی۔