اپوزیشن لیڈر قومی اسمبلی محمود خان اچکزئی نے حکومت سے مذاکرات کے حوالے سے اپوزیشن کی مذاکراتی ٹیم کو اہم ہدایات جاری کردی ہیں۔
ذرائع کے مطابق محمود خان اچکزئی نے اخونزادہ حسین یوسفزئی کے ذریعے اپوزیشن رہنماؤں کو پیغام بھجوایا ہے کہ حکومت کی جانب سے رابطہ کیے جانے کی صورت میں مثبت جواب دیا جائے، تاہم مذاکرات کے لیے پہلی شرط بانی سے ملاقات ہونی چاہیے۔
ذرائع کا کہنا ہے کہ محمود اچکزئی نے کہا کہ حکومت بانی کی بہنوں کی رہائی سے مثبت پیش رفت کا آغاز کرسکتی ہے۔ ان کا مؤقف ہے کہ اگر بانی سے ملاقات نہیں ہوتی تو وزیراعظم سے ملاقات بے معنی ہوگی۔
ذرائع کے مطابق محمود اچکزئی نے یہ بھی کہا ہے کہ بانی سے ملاقات نہ ہونے کی صورت میں وزیراعظم سے ملاقات سے انکار پر غور کیا جاسکتا ہے۔