پاکستان تحریک انصاف کے چیئرمین بیرسٹر گوہر خان نے کہا ہے کہ پی ٹی آئی اب بھی بامقصد اور مثبت مذاکرات کے لیے تیار ہے، جبکہ مولانا فضل الرحمان اس حوالے سے اچھا کردار ادا کرسکتے ہیں۔
اپنے بیان میں بیرسٹر گوہر نے کہا کہ پی ٹی آئی نے بڑی کوشش کی کہ مولانا فضل الرحمان کو اپوزیشن الائنس میں شامل کیا جائے۔ انہوں نے کہا کہ ملک میں جمہوریت کی ٹریفک جام ہوچکی ہے، گورنر راج یا ایمرجنسی کا نفاذ مسائل کا حل نہیں۔
پی ٹی آئی چیئرمین نے کہا کہ سیاسی مسائل کا حل مذاکرات اور سیاسی عمل کے ذریعے ہی نکالا جاسکتا ہے۔