وزیراعلیٰ سندھ مراد علی شاہ نے حیدرآباد میں سڑک کے درمیان بجلی کے کھمبے موجود ہونے کے معاملے پر وضاحت دیتے ہوئے کہا ہے کہ یہ سب ایک مکمل منصوبہ بندی کا حصہ تھا۔
کراچی میں گفتگو کرتے ہوئے مراد علی شاہ کا کہنا تھا کہ حکومت نے کھمبے ہٹانے کے لیے حیسکو کو رقم جمع کرائی، لیکن کھمبے نہ ہٹائے جانے پر پہلے سڑک تعمیر کرنے کا فیصلہ کیا تاکہ حیسکو پر دباؤ ڈالا جاسکے۔ انہوں نے بتایا کہ 100 میں سے 25 کھمبے ہٹائے جاچکے ہیں۔
وزیراعلیٰ سندھ نے میڈیا اور سوشل میڈیا کا شکریہ ادا کرتے ہوئے کہا کہ ان کی نشاندہی سے معاملے میں مدد ملی، جبکہ سڑک مکمل ہونے کے بعد حیدرآباد کے شہریوں کو سہولت ہوگی۔