سندھ حکومت نے شدید خشک سالی کی صورتحال کے پیش نظر تھرپارکر کو آفت زدہ ضلع قرار دے دیا، جہاں 90 فیصد تک فصلیں تباہ یا غیر پیداواری ہوچکی ہیں۔
وزیراعلیٰ سندھ مراد علی شاہ کو بریفنگ میں بتایا گیا کہ تھرپارکر کے تمام 7 تعلقوں میں خشک سالی جیسی صورتحال ہے، جبکہ ستمبر 2026 کے دوران مختلف علاقوں میں صرف ایک سے 36 ملی میٹر بارش ریکارڈ کی گئی۔
بریفنگ کے مطابق بارشوں کی کمی اور غیر متوازن تقسیم کے باعث فصلیں اور قدرتی گھاس پکنے سے پہلے ہی خشک ہوگئیں۔
وزیراعلیٰ سندھ نے متاثرہ علاقوں میں پینے کے پانی کی فراہمی یقینی بنانے، غیر فعال آر او پلانٹس فوری بحال کرنے اور مویشیوں کے تحفظ کے لیے ہنگامی اقدامات کی ہدایت کردی۔
مراد علی شاہ نے نؤکوٹ سے مٹھی تک پانی کی لائن بچھانے کی فزیبلٹی تیار کرنے کی ہدایت بھی کی اور کہا کہ خشک سالی سے متاثرہ عوام کو تنہا نہیں چھوڑیں گے، حکومت ہر ممکن مدد فراہم کرے گی۔