امن عمل کی کوششیں، خلیل زاد کا افغانستان اور قطر کا دورہ

واشنگٹن — 

امریکی نمائندہ خصوصی برائے افغان مفاہمت، زلمے خلیل زاد جولائی 22 سے یکم اگست تک افغانستان اور قطر کا دورہ کر رہے ہیں۔

ان کا یہ دورہ افغانستان میں تنازع کو ختم کرنے کے سلسلے میں امن عمل کے لیے سہولت کاری کی مجموعی کوشش کا ایک حصہ ہے۔

یہ بات امریکی محکمہ خارجہ کے ترجمان کی جانب سے پیر کو جاری کیے گئے ایک اخباری بیان میں کہی گئی ہے۔

ترجمان نے کہا ہے کہ دورہ کابل کے دوران، خلیل زاد امن عمل کے اگلے اقدامات سے متعلق افغان حکومت کے ساتھ قریبی مشاورت کریں گے، جس میں بین الافغان مذاکرات میں شرکت کے لیے ایک قومی مذاکراتی ٹیم تشکیل دینا شامل ہوگا۔

امریکی نمائندہ خصوصی متمدن معاشرے کے نمائندوں کے ساتھ بھی بات چیت کریں گے، جن میں امن کے داعی اور خواتین کے حقوق کے گروپ شامل ہوں گے، تاکہ امن عمل میں وسیع تر شراکت کو فروغ دیا جا سکے۔

ترجمان نے کہا کہ دوحہ میں، زلمے خلیل زاد طالبان کے ساتھ مذاکرات کا سلسلہ جاری کریں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.