بنگلہ دیش ویمن کرکٹ ٹیم ٹی ٹوئنٹی سیریز کھیلنے لاہور پہنچ گئی

لاہور: بنگلہ دیش ویمن کرکٹ ٹیم لاہور پہنچ گئی ہے جہاں پاکستان کرکٹ بورڈ (پی سی بی) کی انتظامیہ نے ان کا بھرپور استقبال کیا۔

علامہ اقبال انٹرنیشنل ایئرپورٹ پہنچنے پر بنگلہ دیشی ٹیم کو گلدستہ پیش کیے گئے۔

بنگلہ دیش ویمن کرکٹ اپنے دورے میں 3 ٹی ٹوئنٹی میچز پر مشتمل سیریز کھیلی گی۔

واضح رہے بنگلہ دیش کی ویمن کرکٹ ٹیم کی آمد سے پہلے چار رکنی سیکیورٹی وفد قذافی اسٹیڈیم انتظامات کا جائزہ لیا تھا۔

بنگلہ دیش کرکٹ بورڈ کے سیکیورٹی وفد کی قذافی اسٹیڈیم لاہور آمد

بنگلہ دیش کے سیکیورٹی وفد نے سیف سٹیز اتھارٹی کا بھی دورہ کیا جہاں انہیں کیمروں کے ذریعے نگرانی کے نظام بارے آگاہ کیا گیا۔

خیال رہے کہ بنگلہ دیش کی ویمن ٹیم کے بعد انڈر16 ٹیم تئیس اکتوبر کو آئے گی، جبکہ  بنگلہ دیش کی قومی کرکٹ ٹیم جنوری دو ہزار بیس میں ٹیسٹ سیریز کے لئے پاکستان پہنچے گی۔

پاکستان کرکٹ بورڈ (پی سی بی) کی جانب سے ہر ممکن کوشش کی جا رہی ہے کہ آئندہ تمام بین الاقوامی سیریز کا انعقاد پاکستان کے میدانوں میں ہی کرایا جائے۔

اس ضمن میں رواں ماہ کے آغاز پر سری لنکا کی ٹیم نے پاکستان کا دورہ کیا جہاں انہوں نے کراچی میں تین ایک روزہ میچز کھیلے جس میں قومی ٹیم نے فتح حاصل کی۔

بعد ازاں سری لنکا اور پاکستان کے مابین کے تین میچز پر مشتمل ٹی ٹوئنٹی سیریز کا انعقاد لاہور میں کیا گیا۔

سری لنکا کی نوجوان ٹیم نے عالمی نمبر ایک ٹیم کو با آسانی یکطرفہ مقابلے کے بعد تین صفر سے عبرت ناک شکست سے دوچار کیا تھا۔

پی سی بی کے اعلیٰ عہدیداران توقع کر رہے ہیں کہ سری لنکن بورڈ دسمبر کے مہینے میں ٹیسٹ سیریز کے لئے اپنی ٹیم پاکستان بھیجے گا۔

پاکستان کے میدانوں میں آخری ٹیسٹ میچ 2009 میں کھیلا گیا تھا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.