اسکول کے بچوں نے ڈرامہ میرے پاس تم ہو کا ٹائٹل سانگ اپنی آوازمیں گایا جس کی ویڈیو سوشل میڈیا پروائرل ہوگئی ۔
گلوکارراحت فتح علی خان کی آوازمیں گایا گیا ڈرامہ میرے پاس تم ہو کے ٹائٹل سانگ کو 2 اسکول کے بچوں نے اس طرح گایا کہ ڈرامہ کی مرکزی کرادر عائزہ خان بھی تعریف کئے بغیر نہ رہ سکیں ۔
ویڈیو سوشل میڈیا پر آئی تو وائرل ہوگئی مداحوں کی جانب سے دونوں ننھے بچوں بے حد سراہا گیا ۔
ڈرامہ ’میرے پاس تم ہو‘ ان دنوں اپنی مقبولیت کے ریکارڈ قائم کررہا ہے، ڈرامے میں عدنان صدیقی اور ہمایوں سعید کے ساتھ عائزہ خان نے مرکزی کردار نبھایا ہے۔
گزشتہ کئی ہفتوں سے مقبولیت حاصل کرنے والے ڈرامے’میرے پاس تم ہو‘کے چند ڈئیلاگ سوشل میڈیا پر زیر بحث بنے ہوئے ہیں۔