پاکستانی شوبز انڈسٹری میں اداکاروں کی شادیوں کا سلسلہ جاری ہے۔ گزشتہ ہفتے 2020 کے آغاز میں اداکار سعد قریشی رشتہ ازدواج میں منسلک ہو گئے۔ سعد کی منگنی ان کی دوست میشا چوہدری سے 2018 میں ہوئی تھی جبکہ شادی کی خبر اداکار نے اپنے مداحوں کو انسٹاگرام اکاؤنٹ پر تصاویر شئیر کر کے دی۔
شادی کی تمام تقریبات اسلام آباد میں منعقد کی گئیں۔
ولیمہ دن میں ہوا جس میں سعد اور ان کی دلہن نے ایک ہی رنگ کا جوڑا زیب تن کیا ہوا تھا۔ دونوں نے پاکستان کے مشہور ڈیزائنرز 'دیپک پروانی' اور 'منیب نواز' کے کپڑے پہنے تھے۔
واضح رہے کہ سعد قریشی نے متعدد ڈراموں میں اپنی بہترین اداکاری کے جوہر دکھا کے شہرت حاصل کی جن میں 'خدا اور محبت 2' ، 'کی جانا میں کون' ، 'پکار' اور 'شادی مبارک' شامل ہیں۔