پاکستان کی نامور اداکارہ و سماجی کارکن نادیہ جمیل نے سماجی رابطے کی ویب سائٹ ٹوئٹر کے ذریعے اداکار حمزہ علی عباسی سے درخواست کر دی۔
نادیہ جمیل نے اپنے ٹوئٹ میں لکھا کہ 'میں کافی مرتبہ فون کر کے آپ سے رابطہ کرنے کی کوشش کر چکی ہوں لیکن کوئی جواب نہیں ملا۔ میں ایک یتیم خانے کی طرف سے آپ کو کال کر رہی تھی جس کے ساتھ میں شامل ہوں، یہاں کے بچے آپ کے بہت بڑے فین ہیں اور آپ سے ملنے کے لئے کافی بے چین ہیں'۔ نادیہ نے مزید کہا کہ 'اگر آپ ایک دن وقت نکال کر ان بچوں کے ساتھ کرکٹ کھیلیں گے تو میں آپ کی بے حد شکر گزار رہوں گی، وہ بچے آپ سے محبت کرتے ہیں'۔
نادیہ جمیل کے اس ٹوئٹ کے جواب میں حمزہ علی عباسی نے اپنے ردعمل کا اظہار کیا اور کہا 'اسلام و علیکم نادیہ، میں بے حد معذرت خواہ ہوں کہ میں آپ کے میسج کا جواب نہیں دے سکا۔ آپ مجھے اپنا نمبر بھیجیں، مجھے ان بچوں کے ساتھ کرکٹ کھیلنا بہت اچھا لگے گا'۔