پاکستان کی معروف اداکارہ عتیقہ اوڈھو کی ایک تصویر سوشل میڈیا پر صارفین کی توجہ کا مرکز بن رہی ہے جس میں انہوں نے اینٹی نارکوٹکس کی وردی پہن رکھی ہے۔
اینٹی نارکوٹکس کی وردی پہن کر انہوں نے یہ تصویر اپنے سوشل میڈیا انسٹاگرام اکاؤنٹ پر اپنے مداحوں کے ساتھ شیئر کرتے ہوئے بتایا کہ انہوں نے یہ گیٹ اپ اپنی نئی آنے والی فلم ’’ کہے دل جدھر ‘‘ کیلئے کیا ہے۔
عتیقہ اوڈھو کا کہنا تھا کہ ان کی نئی آنے والی فلم میں وہ ایک دلچسپ کردار نبھا رہی ہیں جو کہ مداحوں کو بہت پسند آئے گا۔
اس سے قبل عتیقہ اوڈھو کا ڈرامہ سیریل ’’ ستارہ اور مہرالنساء ‘‘ سے انہوں نے پاکستانی ڈراما انڈسٹری میں بھرپور شہرت حاصل کی تھی۔ ان کے مزید ڈرامے دشت ، نجات اور انگار وادی بھی ان کے عمدہ ڈراما سیریلز مانے جاتے ہیں۔