کراچی کے شہریوں کے لئے پہلی بار 'تھری ڈی پارک' کا انعقاد ہونے جا رہا ہے۔
شہرٍ قائد کے علاقے لائنز ایریا یو سی 10 میں واقع بشارت پارک کو تھری ڈی پارک بنایا جا رہا ہے۔
پارک کی دیواروں پر مختلف جانوروں کی تصاویر پینٹ کی جائیں گی جو کہ تھری ڈی ٹیکنولوجی کی مدد سے دیکھی جا سکیں گی اور پارک آنے والے بچوں اور بڑوں کی توجہ کا مرکز ہوں گی۔
دیواروں پر پینٹ کئے جانے والے جانوروں میں ڈایناسور، زیبرا، ہاتھی، زرافہ، گوریلا سمیت دیگر 10 جانور کی تصاویر بھی شامل ہوں گی جو 3 ڈی اثرات مرتب کریں گے۔
واضح رہے لائنز ایریا صدر پارکنگ پلازہ کے سامنے بننے والا یہ تھری ڈی پارک شہریوں کے لئے 25 جنوری کو کھولا جائے گا۔