واٹس ایپ کا نیا فیچر آگیا، اب ہوگی سب کی بڑی مشکل آسان

image

واٹس ایپ نے اپنے صارفین کے لئے ایک نیا فیچر متعارف کروا دیا۔

پیغام رسانی کے لئے سب سے زیادہ استعمال ہونے والی ایپلیکیشن واٹس ایپ نے ڈارک موڈ کا فیچر متعارف کروا دیا۔ اس فیچر سے واٹس ایپ کا بیک گراؤنڈ سیاہ ہوجائے گا جس سے موبائل کی برائٹ نیس کم ہوگی اور اس وجہ سے صارف کے موبائل کی بیٹری کم ضائع ہوگی اور پہلے کے مقابلے میں زیادہ دیر تک چلے گی۔

تفصیلات کے مطابق اس فیچر کو آزمائشی طور پر متعارف کروایا گیا ہے جس سے بیٹا ورژن استعمال کرنے والے صارفین کو فائدہ پہنچے گا۔ اگر آپ کے پاس بھی بیٹا ورژن ہے تو ایپ اپ ڈیٹ کر کے آپ بھی یہ فیچر استعمال کر سکتے ہیں۔

واٹس ایپ پر ڈارک موڈ آن کرنے کا طریقہ یہ ہے کہ آپ اپنی واٹس ایپ کی سیٹینگز میں جا کر 'چیٹس' کے آپشن پر کلک کریں، کلک کرنے کے بعد 'تھیم' کا آپشن نظر آئے گا۔ تھیم پر کلک کریں گے تو یہاں آپ کے سامنے تین آپشنز ''سسٹم ڈیفالٹ یا بیٹری سیور، لائٹ، ڈارک'' کے نام سے نظر آئیں گے۔ اگر آپ ڈارک پر کلک کریں گے تو واٹس ایپ ڈارک موڈ فیچر آن ہوجائے گا۔

تاہم جب ڈارک موڈ فیچر کو آن کریں گے تو اینڈرائیڈ پائی سسٹم استعمال کرنے والے صارفین کو بیٹری سیور کے نام سے آپشن بھی نظر آئے گا۔ جس کا مطلب ہے کہ آپ کے موبائل کی بیٹری فضول خرچ نہیں ہورہی۔


About the Author:

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.